Eusko Alkartasunak Burgosko Guardia Zibilaren kuartelaren aurkako atentatua irmoki gaitzesten du eta leherketak zauritutako pertsonei bere babes eta elkartasun osoa adierazten die. ETAren indarkeriak ez du lekurik haren ekintzekin nazkatuta dagoen eta bakea exijitzen dion euskal gizartean, nabarmendu nahi du, berriz ere, Eusko Alkartasunak. Agenteak eta euren familiak bizi diren etxebizitzaren kontra eraso egiteak ETAren burugabekeria eta herri honen borondateari dion mesprezua agerian utzi ditu. ETAren indarkeria onartezina da eta herri honen normalizazioa bakarrik giza eskubide guztiak errespetatuz eta bide demokratiko eta baketsuen bidez lortuko da. Beste biderik ez dago.

“La participación de los ayuntamientos en reuniones sobre la crisis es vital” ha declarado Ikerne Badiola, responsable de la Secretaria de Comunicación de EUSKO ALKARTASUNA (EA) quien subrayó el principio de EA sobre “la necesidad de trabajar desde todas las instituciones y sin buscar protagonismos partidarios”.

EUSKO ALKARTASUNA (EA) considera “prioritaria la participación de los ayuntamientos “, en la reunión convocada “porque son las instituciones más cercanas a la ciudadanía y a las que se acude para resolver las situaciones de necesidad creadas por la crisis”.

Ikerne Badiola ha recordado “que EA siempre ha defendido la participación de los Ayuntamientos en el Consejo Vasco de Finanzas, lo que a la vista del último informe de EUDEL sobre la situación económica de los mismos, es más necesaria que nunca”.

BAKEA

Alkartetxeko leihoetatik hausnartzen…Sail honetan, urtean zehar, zenbait gairi buruz, euskal gizarteari, Aretxabaletari,.. garrantzitsuak iruditu dakiokeen gaietaz zenbait hausnarketa egiten saiatuko gara.

URTARRILEko lehen gaia, BAKEA aukeratu dugu. 1948ko urtarrilaren 30ean, Mohandas Karamtxand Gandhi hil zuten Indian. Gandhi, “Mahatma” ( Arima haundia) bezala ezagutua izan zen. Gizon bakezalea, ez-biolentzia bide izanik, desobedientzia zibila praktikara eramanaz, Indiaren independentzia bultzatu zuen bakezalea.

Euskal Herriak badu nondik ikasi !!!

Jarraian Alkartetxeko leihoetan dauden zenbait mezu:

Legebiltzarrean aurkeztu duen legez besteko proposamen batean Jesus Mari Larrazabalek Isabel Celaa sailburuari eskatu dio marko legal berri bat hezkuntza eragileekin adosteko eta 2010eko azaroa baino lehen aurkezteko

2009/07/21 | Eusko Jaurlaritza | <!—->

Eusko Alkartasunak ez dio Eusko Jaurlaritzako Hezkuntza, Unibertsitate eta Ikerketa sailburu Isabel Celaari utziko legealdia alferrik igarotzen, hizkuntz ereduen sistemaren berritzeari heldu gabe, kargua hartu zuenetik egin dituen adierazpen publikoetan bere asmoa hori dela ondorioztatzen baita.
Horrexegatik, lau urte hauek alferrik joaten uzteko prest ez gaudelako, EAk eztabaida hori mahai gainean ipiniko du udako oporraldiaren ondoren urte politikoa hasi bezain laster. Jesus Mari Larrazabalek legez besteko proposamen bat aurkeztu du jada Legebiltzarrean eta bertan urtebeteko epea, 2010eko azaroaren 1a arte, ematen dio Hezkuntza sailburuari indarrean dagoen hizkuntz ereduen sistema gaindituko duen eta irakaskuntza-marko berri bat ezarriko duen lege-proiektu bat aurkezteko, Derrigorrezko Bigarren Hezkuntza (DBH) amaitutakoan ikasleak benetako elebidunak direla bermatuko duena, alegia. Aldez aurretik Hezkuntza Sailak sektoreko eragile guztiekin adostu beharko du lege-proiektu hori, EAko legebiltzarkidearen ekimenak dioenaren arabera.
A, B eta D ereduak aplikatzearen emaitzek sistema hori gainditzea ezinbestekoa dela erakusten dute, marko legal berria behar dela EAEko ikasle guztiek derrigorrezko ikasketak bukatzen dituztenean gaztelaniaz ez ezik, euskaraz ere dakitela bermatzeko, Euskal Eskola Publikoaren eta Euskararen legeek agintzen duten bezala.
EAk eta hezkuntza komunitate osoak argi dugu ereduen sistema gaindituko duen lege bat onartzea presazkoa dela eta, ondorioz, Celaa sailburuak zentzu horretan inolako borondaterik erakutsi ez izanak kezkatu egiten gaitu. Izan ere, gai horren inguruko adostasun handiak lortu ezean, ez dela erreformarik egongo esatea, berak egin duen moduan, bere borondate falta ezkutatzeko aitzakia txar bat baino ez da. Bera da Hezkuntza sailburua eta berari dagokio akordioak lantzea eta lortzea; arazoa da ez duela hori egin nahi horrek PPren haserrea ekarriko lukeela eta Patxi Lopezen Gobernuaren egonkortasuna arriskuan jarriko lukeela dakielako. Celaak, gainera, ez luke zerotik hasi beharko, Hezkuntza Sailaren aurreko taldeak, Tontxu Camposek zuzendutakoak, neurri handi batean lan hori aurreratu zuelako, sektoreko eragileekin nahiko akordio zabalak erdietsi zituelako.
Euskal hezkuntza sistema ezin daiteke PSEren behar politikoen menpe egon; eskolan bi hizkuntz ofizialak ikasten direla bermatuko duen lege bat lehenbailehen behar du, Isabel Celaak A ereduan proposatzen duen aldaketa, ikasgairen bat euskaraz ematea, hain zuzen ere, alferrikako adabakia besterik ez delako. Nola irakatsiko zaie ezer euskaraz hizkuntz hori ulertzen ez duten ikasleei?

Kiroletxeko prestamoa uztailean eskatu ahal izateko,  Foru Aldundiak exijitutako Plan Ekonomiko-Finantzarioa onartu dute. Presaka eta inongo analisi gabe. Aste bete inguruko baliogarritasuna izango duen Plana, benetako analisia onartu ostean hasiko bait da.

EAk seriotasuna eskatu du.

Uztailak 8an, Ezohizko Bilkuran, Udalbatzak baiezkoa eman zion Udal Gobernuak aurkeztutako 2009-2012 Plan Ekonomiko-Finantzarioari. Aldeko botoak zortzi izan ziren eta aurkakoak bi, EArenak. Zergatik?

2009. Urteko aurrekontua defizitean onartu zen Kirol Etxe berrian egin behar den inbertsio zentzugabearen eraginagatik. Egoera horretan dauden Udaletxeek Foru Aldundiaren babes edo tutoretza finantzarioa jaso behar dute, horretarako hiru urterako plan bat aurkeztu behar zaiolarik, non Udal finantzen oreka lortuko dela bermatu behar den.

Udal Gobernuak aurkeztutako planak lortzen du oreka hori – paperean ez da zaila –, baina azken emaitza hain da pirrikoa soberakin garbia ia zero dela. Eta hori larria al da? Gure ustez bai, soberakinik ezean ez baitugu dirurik izango inbertsio zuzenik egiteko ez eta zor bidez finantziazio gehiago lortzeko ere – ez ahaztu Kirol Etxea finantzatzeko dagoeneko 12 milioi euroko zorra aurreikusten dela eta honek 15 urtez, urtero urtero, 700.000 eta 900.000 euro bitarteko pasibo finantzarioa suposatuko diola Udaletxeari. Eta inbertsiorik egiten ez duen herria atzean gelditzen da bai zerbitzuetan, bai azpiegituretan eta baita bizitza kalitatean ere.

Guzti honek aditzera ematen du Udal Gobernuak ez duela serio lan egin. Jakin badakite, ez beren kabuz baizik eta behin eta berriz ala esan diegulako, etorkizuneko proiektuak finantzatu ahal izateko urtero 1,2 eta 1,5 miloi euro arteko aurrezki garbia sortu behar duela Udalak. Eta horretarako hemendik lau euro eta handik beste bost ketzeak ez du balio. Lanak askoz analisi serioagoa exijitzen du, dirua zertan, nola eta zein emaitzekin gastatzen den aztertuz, alegia. Gastu eta transferentzia partida guztiak zalantzan jarri beharra dago. Ez du balio gastuekin bere horretan jarraitzea “tradizioa” delako. Edonolako gasturik aurrekontuetara – edo plan batera – eraman aurretik lehenik gastu horrek Udalaren helburuekin bat egiten duela ziurtatu behar da eta gero gastuaren errentagarritasun soziala modu zehatz eta zorrotzean justifikatu behar da. Baina Udal Gobernu honek ez du ez bata ez bestea egiteko gaitasunik.

Beren ardura guztia izan da paper batzuk bete eta txosten bat idaztea Foru Aldundiaren babesa lortzeko. Zergatik? Babes hori gabe ezin izango zutelako inongo bankutik krediturik jaso. Eta krediturik ezean ez dago Kirol Etxe berririk egiterik. Hori da helburu bakarra, kreditua eskatu ahal izatea; ez Udal finantzen panorama orekatu, serio eta zentzudun bat lantzea.

Are gehiago, EAk ala eskatuta oraingo egunetan Udal Gobernuak lan prozesu bat irekiko du – lau hilabete berandu bada ere – aurrekontuen analisi serio eta zorrotz hori gauzatzen saiatzeko. Beraz, onartutako planak aste bete inguruko baliotasuna baino ez du izango. Eta horri deritzogu, hain zuzen, adar jotzea. Adar jotzea herritarrei, gauzak beti berandu eta modu arduragabean egiten dituztelako. Eta adar jotzea Foru Aldundiari, gezur hutsa den txosten bat aurkeztu diotelako.

Baina presak presak dira eta kreditua eskatu beharraren kakalarriak bultzatuta Aralarrek, EAJ-k, PSE-ek eta Ezker Batuak baiezkoa eman diote adar jotze honi. Jakina, Kirol Etxearen proiektua berraztertu eta merkexeagoa den zerbait egitearen inguruan ez dago hitz egiterik, EAk mila aldiz eskatu duen legez. Dena dela, historia guzti honen funtsa den arren, zuen pazientziaz ez abusatzeko honen berri beste batean emango dizuegu.

Udalak atera berri du www.arkupe.eu webgunea kultur etxean antolatzen den kultur programazioaren berri emateko. Bestalde Udalaren webgunean ere www.aretxabaleta.com,  herrian antolatzen diren beste zenbait kultur ekintzaren berri ematen da. Herritarrak kultur eskaintza jakiteko bi webgune begiratu behar al ditu? Esate baterako, herritar batek txalaparta ikastaro baten informazioa jakin nahi badu, bi webguneetan bilatu behar al du? Honek denbora galtzea eta bestalde gastu bikoitza dakar ( bi pertsona ari dira webgune horiek elikatzen) eta bestalde, teknologi berriek eskaintzen dituzten abantailak aprobetxatu beharrean, kontrakoa lortzen da. Koordinazioa falta da.

Webgune bakar batean agertu beharko litzateke informazio guztia, kultur eskaintza osoa eta bakarra, horrela herritarrak erreferentzia bakar bat izan dezan kultur egitarau osoa bilatu ahal izateko.

El secretario general de Eusko Alkartasuna, Pello Urizar, anunció ayer en rueda de prensa celebrada en Gasteiz, la puesta en marcha de un proceso de participación para definir las bases en las que se debe asentar la unidad de acción abertzale. Urizar considera que los partidos y agentes sociales y sindicales abertzales deben ser capaces de llevar a cabo la suma de fuerzas como hacen los partidos de ámbito español, “que en Euskal Herria realizan pactos que en otro lugar serían contranatura”.

Uztailaren 8an egingo den Ez Ohiko Bilkuran EUSKOA ALKARTASUNAK Udalerrien Legea (Ley Municipal) aren MOZIOA aurkeztuko du.

UDALERRIEN LEGEA - LEGE MUNIZIPALA (sakatu izenburuan mozioa jaisteko)

Aretxabaletako Eusko Alkartasunak Udalerrien Legearen erredakzioa eskatzen du, Udalerrien finantziaketa bermatzeko eta Udalerri bakoitzak dituen eskumenak behingoz argituak izan daitezen.

Bizitzen ari garen krisialdi honetan, beharrezko ikusten dugu, Udaletxeek herritarrengandik gertuen dauden zerbitzuei erantzuna ematea, zerbitzu hauek, finantziaketa irmo bat izan dezaten eta gastu publikoa ez dadin bikoiztu.

Foru Ogasunak bildu beharreko dirua murriztu egin da eta honek udaletxeek ere diru gutxiago jasoko dutela suposatuko du, hain zuzen ere, zerbitzu eta ongizate-prestazio gehiagoren beharra dagoen unean.

Bestalde, Herri Dirubideen Euskal Kontseiluan Udaletxeak kide izatea eskatu nahi dugu, Kontzertu Ekonomikotik datozen diru publikoak banatzeko erabakietan partehartu ahal izateko. Eusko Jaurlaritzari, epe laburrean, Udalerrien Legearen Proiektua eztabaida eta onarpenerako Legebiltzarrera eraman dezala ere eskatuko diogu, errealitate administratibo eta ekonomiko honi erantzun bat emate aldera.

EUSKO ALKARTASUNAk jarraian gehitzen den hurrengo MOZIOA aurkeztu zuen Udaletxean. Mozio honetan, Eusko Alkartasunak beti izan duen giza eskubideen aldeko konpromisoa isladatzen du.

Mozioa onartua izan da eta erabaki da, Aretxabaletako toki konkretu batean, Giza Eskubideen Unibertsal Deklarazioa gogoratzeko espazio bat sortzea. Urte honetako abenduaren 13an, giza Eskubideen Unibertsal DEklarazioaren eguna ospatzen den egunean, ekitaldi batez inauguratua izango da.

.eus domeinua

“prestigio sozialik gabe hizkuntzak desagertu egingo dira”
Amadeu Abril i Abril [ .cat domeinua ]

Euskarak erronka berri bat du: Interneten bere izen propioa sortzea. Interneten, izena eta izana elkarrekin baitoaz. Interneten, izenik ez duena, ez da. Eta hori da euskararen eta euskal kulturaren komunitatearen erronka berria: Interneteko eremu birtualean nazioarteko aitorpena eskainiko dion ikur edo sinboloa sortzea: .EUS domeinua.

Horretarako sortu da PuntuEus Elkartea.

Eman izena hemen. Denon artean lortuko dugu geure domeinua.